رساله تقول // السيد وزير الصناعة تحية طيبة
اختيار القائمين على مديرى العمود شرط ان يكون صاحب
تاريخ اسود ومشبوه مليىء بالاحالة للنيابة الادارية ونيابة الاموال العامة والمشاركة فى اهدار المنحة الكورية والاهمال فى ادارة مركز العباسية هذا هو تاريخ المهندسة عزة القائمة باعمال مدير علم مركز الاميرية التجريبى وهذا هو اختيار القيادة فى المصلحة لمديرى العموم على خلاف دائم مع مدير الشئون المالية والادارية وتفرغت لتصفية حسابات قديمة معه ومع موظفين الشئون المالية والادارية
الم تقراء قيادة المصلحة تريخها وتسأل عن علاقتها بمن عملت معهم من قبل الم يكلف نفسة السيد رئيس المصلحة والسيدة المهندسة نهال نفسهما بقراءة تريخها وما حدث بالمشاركة مع مدير عام اسمه محمد ابو عمر فى اهدار المال العام والفساد الذى تسبب بعد التجديد له كمدير عام مرة اخرى والم تصل الى مسامع القيادة مدى خلافاتها مع الكثير من العاملين التى ذهبت اكثرها للنيابة الادارية ام ان هناك هدف من تعين هؤلاء الفاسدين من اجل التخريب والفشل اين هذة الثورة التى قدت على الفساد ولكن ماذال السوس ينخر فى جزورها
السيد وزير الصناعة اسأل على تاريخ هذة المكلفة بالعمل كمدير عام لكى تتأكد من كل كلمه كتب فى هذه الشكوى والا سيلحق الخراب فى المركز على يد هؤلاء الفاسدين
توصيل صوت مدربين موظفين أداريين وماليين ومهندسين ومدرسين وعمال خدمات معاونة وحراسة وأمن مصلحة الكفاية الإنتاجية لكل مسئول في مصر لم يكن لنا صوت من قبل لن نصمت ولن نجعل مصيرنا في يد قله من المنتفعين أصحاب المصالح فمصلحة الكفاية ألإنتاجية قائمة على العاملين بها كيف لن يكن لنا صوت يحمينا ويدافع عن الظلم الذي يقع علية حتى نكون نقابتنا هنا ********************************************** كل ما يكتب هنا لدينا المستندات الخاصة به ونحن لا نلقى بالتهم جذافا
رسالة اية للسيد الوزير انت فاكر الوزير حيزعل علي المال العام مهو كان هايص هو كمان في المال العام مع رشيد واللي بعدة والان بيوافق علي اي حد الناس تشتكي منه مهو عايز يعيد تكوين العصابة من تاني واذا اشتكيتوا اي مدير عام او رئيس مركزية او رئيس مصلحة يبقي بتعطوا اشارة زيادة وجودهم والشكوي تصبح دعم ليهم ابقوا اسئلوا علي اللي اخذت رئيس مركزية والعاملين مقدمين فيها شكاوي لمحمود عيسي شخصيا ومع ذلك مضي قرار تعينة لها رئيس مركزية ياناس فوقوا اللي عايز يشتكي بجد علية وعلي رئيس الوزراء وشخصيا وجها لوجة والا يبقي اللي بتعملوة فرقعة علي الفاضي واقعدوا ساكتين بقي فنجرة بق والسلام
ردحذفالفلول لازم يختاروا فاسديدن زيهم علشان يبقى الفساد سمه المجتمع
ردحذفنيابة اموال عامه وبعدين مدير عام ونعمه الاختيار الحرمية مش هيختاروا الا حرمية زيهم
ردحذففعلا الوزير مش دريان بحاجة وهو عايش بياكل فى الفته ووسلملى على بدر عباس الى كان فى المحكمة واستمر مدير عام
ردحذفهو الوزير فاضيلنا ده عنده يجى 15 مصلحه زى مصلحتنا وكمان عنده وزاره تانيه مع وزارته هى وزاره التجاره الخارجيه وكمان كل يوم والتانى اجتماعات فى اتحاد الصناعات وغيره وغيره ..وسايب الوزاره لشويه الحراميه القدام بتوع رشيد يعنى فتوح على رجاء ممتاز على مصدق وهمه اللى بيدروهااااا وطبعا زى محنا كلنا عارفين وساكتين دول اصحاب بدر واحمد طه وشله الحراميه يعنى من الاخر بيطبخوها سواه الحاجه المهمه يحجبوها عن وزيرنا الهمام اللى مبيتهددش هههههه والحاجه اللى تضرنا اوام يبعتوهااااا وعلى كل المراكز واحياتكوو
ردحذفعلى فكره بقى هقولها ورزقى على الله احنا احسن ناس فى مصر تكتب على المدونات وعلى الفيس بوك والجروبات وكلامنجيه تمام ....
عايزين 200% واحنا قاعدين يمكن تيجى لغايه عندنا احنا مستنيين وان ماجتش بردو احنا مستنيين ..عارفين ليه لاننا مسيرين وليس مخيرين ...
وسلملى على الماسوره ....على فكره ده سيم ميعرفوش غير بتوع العاشر
اخوكم / واحد طهقان من مركز العاشر من رمضان
يا جماعه كده بانت قوي الوزير الهمام خدنا علي حجره وعمل لجنه عشان نفضل نخبط مع بعض واتبع سياسه فرق تسد وطبعا الصبي بتاعه احمد طه وقف المراكب السايره وحرمنا من جهدنا وعرقنا من جداره ودورات هندسه بحجه اللجنه اللي احنا اخترناها عشان نمسك في بعض ونفضح بعض وهو قاعد بيضحك علينا هو وشلته الوسخه والدليل مش هو كان قايل انه هيمشي في خلال اسبوعيين طب ما غارش ليه هو وشلته الوسخه عايزين الحل اننا كلنا نبقي ايد واحده ونمنعه من دخول المصلحه لانه انسان منافق وكداب ومعندوش كلمه ولا شرف ونعمل اضراب شامل حتي مقابله رئيس الوزراء شخصيا وليس الوزير الكزاب عيسي اللي ما وفاش بكلمته معانا احنا اللي في موقف القوه ده لو كنا ايد واحده وبطلنا نضرب في بعض وكل واحد يدور علي مصلحته لوحده لازم نبقا اييييييييييييد واحده
ردحذفياتنابلة قوموا اعتصموا قبل 25 يناير عند وزارة التخطيط والا لاتلوموا الا انفسكم واللي عامل راجل ودكر يبقي يروح يعتصم واللي فاكرة نفسها حرمة مولدتهاش ولادة تبقي تروح تعتصم والا فلحة في الدردشة بتاعت النسوان في المكاتب والفيس بوك كل واحد دخل لجنة يقول احنا ظبطنا مخالفات طيب مودتوهاش نيابة ادارية لية ومتنسوش وانتم بتطالبوا ب 200% تطلعوا رجالة وتطالبوا باقالة جميع مديروا العموم ورؤساء المركزيات جميعا المنتدب منهم والمعين افيقوا ياتنابلة وعلي راي امي ميمسحش دمعتك الا ايديك الله يرحمك ياأما
ردحذفادونى عقلكو
ردحذفينفع واحد أسف فى الكلمه بعين واحده (....) يكون من ضمن حراس المراكز الليليه ..
ايه الحلاوه دى ...ايه الاختيار ده ...وعلى فكره ده كمان من أحسن الحراس بالمركز ..حارس همام بصحيح
وفى مدينه صناعيه كلها خطوره يعنى سلاح يعنى سرقه بالاكراه يعنى حراميه بالنهار قبل باليل .
وكمان المركز اتعرض للسرقه اكثر من مره ولا حياه لمن تنادى ..
وخدو عندكو لسه المصنع اللى قدام المركز مسروق والحراميه جابوه على الارض حتى خدو سرير الغفير هههه
وبردو لسه متمسكين بالحارس الفز بتاع المركز اللى مش هيشوف الحراميه اصلا ..وكمان مش فاضى للحراسه وتروح فين حلقات المصارعه بليل والمصالح اللى بالى بالك..
المهم مش هطول عليكووووو
خدو بالكو من مراكز كو علشان احنا بعنا القضيه
وسلملى على كاظم بيه ...واعوانه
اخوكم / واحد طهقان من مركز العاشر من رمضان
اما الست نهال تعين بوامرها مديرة عام لمركز الاميرية حرمية وصاحبة سوابق ومسجلة وفى مهندسين فى المركز اكفىء منها رفضهم لاسباب دينية وعقائدية فهناك من هم بدرجة كبير ويستحقون المنصب وليس لهم ماضى اسود
ردحذفياريت الرجاله بتوع مركز المظلات يتحدو ولو مره واحده فى شىء مفيد للكل ياريت يقاتلو بجد عشان حقوقهم ارجوكم يا بتوع المظلات فوقو بأه واتحدو واعملو اللازم عشان حقوقكم اخوكم عبدالفتاح من مركزكم
ردحذفتفتكروا وحدة بتبداء يومها بسجاير البانجو هتختار هتكلف مديرين عموم شكلهم اية اكيد بشله وموس والحرمية
ردحذفانا بقى هحكلكو حكايه انما ايه
ردحذففى 2010
كنا عايزين سواق قام ايه جابو سواق بعقد ..وبعدين لما جه مين اللى يستلم العربيه ..قولنا مينفعش علشان هو بعقد ..قام المدير العام الهمام أحمد بيه ابو الفقر بالموافقه على أستلامه العهده فى زمن يصعب على المتعاقدأستلام ورقه كعهده شخصيه.
المهم ...أستلم السواق السياره وكان ولد همام وشاطر فى مهنته ..ولكن القدر وقف فى طريقه وحدث حادث فظيع للسياره ما تعرضت لمشاكل ادت الى عمره كامله ..
قام ايه ودو العربيه فى الورش الخارجيه علشان تتصلح
وفجأه جاء وقت تجديد العقد
فقام المدير المالى والادارى الهمام بردو بأخذ مفاتيح السياره من السواق وانهاء عقده (بقيقى) وقالو روح انتى خلاص كده عقدك انتهى...
والواد ما صدق ده كان هيدخل فى حيص بيص ويقلولو مين المتسبب وكده يعنى ..فراح قايلو سلامو عليكو
من غير ميعلم المصلحه ولا حتى يديلو اخلاء طرف ..أمال ايه همام بقى وسابق سنه
ولغايه دلوقتى يا ساده والسواق عهدته السياره المنحوسه اللى مش لاقيلها صاحب يسأل عنها
ودى أخر حكايه المكساحين فى المنطقه والمركز
والله على ما اقول شهيد
وأنتظرونا فى حكايات مسليه ولطيفه
طهقان /مركز العاشر من رمضان
طالب زميلى فى مركز الاميرية مسكوا معاه فرد خرطوش ومطوة وحدش خد اى اجراء احنا خايفين على نفسنا اما واحد يكون جوه الفصل معاة سلاح نارى تبقى دى مدرسة ولا اصلاحية
ردحذفمعاد الحدوته ....هههه
ردحذفحواديت مسليه بقى زى ما وعدتكووووو
كان عندنا مدير عام ..بس عام عام مش اى كلام اسم الهمام أحمد بيه ابو الفقر ليكون حد يقربلو ولا حاجه
قوم ايه جه الهمام من ييجى خمس سنين وكان عندنا استراحه عباره عن ( فيلا ) للساده المغتربين ..المهم جه البيه وبالاشترك مع عبدالفتاح الحرامى بتاع المصلحه وأهلولو الفيلا بكام قول حوالى 70 الف جنيه المهم .كان فى الفيلا حاجات طبعا سراير ودواليب وخلافه وكان كمان فيه ابواب وشبابيك حديديه عاملنها فى المركز وكمان مراوح سقف فى كل الغرف
مش هطول عليكو ..جه المعاون وقام ايه خد عهدته كلها رماها فى شقه ضغيره من الغنائم بتاعت المصلحه وقالو يدو الفيلا لأبو النصر الهمام وساب المعاون بتاعنا الابواب والشبابيك الحديد وكمان المراوح علشان ايه ..قول انت بقى ...ينول الرضا ..
المهم جه المعاون عايز يطلع ..يطلع فين ههههه على المعاش طبعا قوم ايه بيسلم المعاون الجديد..
المعاون الجديد طلع واد ناصح قالو سلمنى يا حلو ..راحو للبيه ..قالولو عايزين الابوب والشبايك والمراوح ..قالهم البيه متكهنوهم او حتى تعملولهم شهاده ...وطبعا رئيس اللجنه مين الهمام التانى بتاع الماليه والاداريه قام قاله حاضر ياريس ..ههه وهو مبقاش ريس ولا حاجه مهو خلاص راح وراحت ايامه ....المهم عايز ينول الرضا هو كمان ...اصلو متعود على كده من زمان .
نقولو حرام يقول حرام ليه ..طب مينفعش يقول مينفعش ليه ..المهم هو حر ..
والحكايه لسه مخلصتش اما تخلص هقولكو
ودى نهايه فرقه المكساحين فى المنطقه والمركز
طهقان / مركز العاشر من رمضان
معاد الحدوته ....هههه
ردحذفحواديت مسليه بقى زى ما وعدتكووووو
كان عندنا ولد همام ماسك ايه قول يجى كام شغلانه فى الزقازيق .كان ولد طيب وظريف وكل الناس بتحبه امال واد محصلش ..
قوم ايه المدير العام المالى والادارى بتاع المنطقه هيطلع معاش ..قوم ايه قال قبل ما يمشى يجبلنى هديه امال ايه .
جاب الاخ من الزقازيق قطه مغمضه ..وقعدت تفتح تفتح لغايه ما فنجلت عنيها بكل تبجح وغشم ومبقاش يدور على الحق زى زمان بقى يدور على نفسه ونفسه وبس يعنى يظبط مكافاته والباقى يولع ..مأمورياته والباقى يولع . بدلات أنتقالاته والباقى يولع ..
المهم من الاخر بقت المنطقه اللى كانو بيحكو ويتحاكو عليها فى المصلحه فى الاننضباط والنظام ...بيحكو بردو بس فى البوظان والعربده
مطولش عليكو قول طول ...الحكايه كبيره وأخطاء البيه فى الزياده يعنى مأموريات خربانه وبدلات بغير حق ومشى قبل الناس وييجى بعديهم ..مقابل ايه تغيير زيت على قفى الزبون ولا خدمه من هنا وهناك
وكمان بيأجر عربيته بالنفر وقولناومالو بس يخرج الناس من الورش علشان يخدهم معاه قبل معادهم ..هو ده اللى مكيصحش...
ربنا يهدى ...قولو امين
طهقان / مركز العاشر من رمضان
ياعم الطهقان بتاع العاشر عيب عليك روح اطهق بعيد عننا هو انت كنت مبسوط ايام ابو النصر وساكت ودلوقتى تتكلم بعد مامشى فعلا دى الشجاعه ولا بلاش
ردحذفالى الأخ صاحب التعليق اللى فوق عيب عليك انت أنا لا مبسوط من أيام أبو النصر ولا حتى أيام حجاج كله عند العرب صابون ...بس أنا واللى زيى من الملتزمين واللى خايفين على مصلحه العمل والبلد بعد ما طهقنا ابتدينا نتكلم زى الثوره بالظبط قامت صحيح بس بعد 30 سنه من الصبر والهوان ..
ردحذفبس الدور والباقى بقى على اللى خدو على البلطجه والسرمحه لأنهم ما صدقو يولى عصر صفوت بيه ثم عصر ابو النصر الى أن جاء العصر الفوضوى اللى احنا فيه ..
واللى نجح فيه المسؤولين فى المصلحه عموما من اول احمد طه الى حجاج وكمان شعبان اللى فتحوه على البحرى اللى يشتغل يشتغل واللى يمشى يمشى ...مبقاش همنا غير الفلوس وبس يعنى ال200% امته ولا الساعات والمكافأت امته والجداره والهندسه اللى حضرتك متعرفش عنها حاجه وأول اللى بيجرو عليها وعمال تبعت الناس للوحده الحسابيه عمال على بطال علشان مصلحتك
يا أخى حط فى عينك حصوه ملح بدل ما ترمى الناس بالباطل ..شوف شغلك اللى خليتو بزرميط وخليت المنطقه زى علبه الزباله عمالين ننظف فيها وراك ونتحايل على الناس علشان المصلحه تمشى ..ده لو عليك لا رايحين ولا جايين وعلشان خاطرك جمال وعبدالرشيد قرفنا ..الله لا يسامحك...
خربتها وقعدت على تلهاااااااا
ياعم الطهقان لاتنسى استلمت عهدتك ازاى بشهادة لشهود ومن الذى قام بتسليم عهدتك وازاى تم المخالفات حتى تاريخه فى عهدتك انشاء الله جيججى ولدناصح جدا وسيقول لك سلمنى ياجدع على الفرازه بلجنه لايوجد فيها تغيير زيت ولابرشام منشط جنسيا فاكر ولا ناسى لما درج المكتب كان مليان البيت من زجاج لايرمى الناس بالطوب
ردحذفوفاكر ايضا كيف تم تسويه حالتك من المهندس صفوت
واذا كنت طهقان قدم استقالتك او قدم مستنداتك على كلامك لان النيابه مستنياك قريب جدا ياحدق
فرقه المكسحين انشاء الله ستقدم لك العمل على اصوله
الى ابناء مركز الغاشر من رمضان ومن يكتب فى هذه المدونة
ردحذفعيب عليكوا ان تنشروا كلارم لا يصح ان يقال
عليكم ان تتحروا الدقة فيما تقولونه اولا
وعيب ان نرمى الناس بالباطل والصحيح ان كل انسان
من وانا اولكم ان نصلح من انفسنا اولا وان تسود
المحبة بين الجميع حتى يمكن ان نعيش فى سلام وان تحقق
امانينا ومطالبنا والله المستعان