صرخة عتاب لرئس المصلحة (هذه الصرخة كما وصلت دون اى تصحيح )

صرخة عتاب لرئس المصلحة السادة أعضاء المدونة --السادة زوار المدونة ---انتبهوا---فضلا دافعوا عن الحق --ويا ليت صوتي يوصل للسيد المهندس رئيس المصلحة والذي كنت أكن له كل احترام وتقدير وكنت أراه مختلفا عن القيادات السابقة بل وكنت أدافع عنه بشكل شرس أمام ما يقال عنه وعن تواطئه أو تباطؤه في مواجهة الفساد والفاسدين والذي توعدهم فور تكليفه برئاسة المصلحة وتصورنا إن المصلحة تنظف----ولكن كيف تنظف المصلحة والفاسدين موجودين بل ومكرمين والأفظع إن الذي يتق الله وقلبه على صالح العمل هو اللي ماشى -----المهندس مصطفى سليمان رئيس مركزية المناطق والوحيد الذي لمسنا منه موقفا ايجابيا لمكافحة الفساد هو اللي ماشى!!!؟طب ازاى يا سيادة رئيس المصلحة ولمصلحة نين ؟؟دخ الوحيد المكلف من قبل الوزارة زى سيادتك تمام-----مش زى المستشارين والمساعدين اللي حضرتك جبتهم إما لصلة قرابة أو صداقات وماذا فعل هؤلاء ليبقوا ويرحل المهندس مصطفى --إذا أردتم إن ترحلوا فارحلوا جميعا كما أتيتم جميعا مش تجيبوا اللي على مزاجكم وتمشوا اللي مش على مزاجكم --المسألة ليست مسألة مزاحات يا سيادة رئيس المصلحة ------لو حاطت مصلحة المصلحة في اعتبارك تتمسك بالمهندس مصطفى ولو في حد لازم يمشى يبقى مساعديك اللي مش عارفين وظيفتهم لحد دلوقتى -----بدل ما نروح إحنا كمان الوزارة ونطلع اللي في قلوبنا واللي أتخنقنا منه ---من فضلك راجع نفسك وتمسك بالناس النظيفة ويلاش تسمع للقريبين منك بشكل لا تعمل معه تفكيرك -----اقعد مع الناس بنية صافية هم دول اللي هيسندوك مش المستشار ولا المساعدين ولا المستشارين وبعددين لازم تعرف إن المصلحة كلها عارفة انك بتميز بين ناس وناس على حساب مين ده ؟ولمصلحة مين تجيب 7 للسيدة المهندسة نهال والتي يشكو الكثير من أسلوبها المتعجرف--- لمصلحة مين تجيب لها 7 كل وظيفتهم شرب النسكافيه والدخول على الفيس بوك ؟؟ هم دول مش محسوبين على المصلحة و--وليه أساسا تجيب المهندسة نهال مفيش حد في المصلحة ينفع يعنى كل ده طقم متعرفش تشتعل من غيره --ده مش تجنى على حد لان الكويس بينان ---عندك مدام كوثر مثلا لم يرى أحد منها معاملة سيئة ---لكن مصطفى بيه عبد الرحمن والذي تصدقه دون إن تفكر --لم ترى كيف بتعامل الناس ازاى --وبعدين نفسي نلقى له أمارة في مكانه ولا عشان انتو نسايب زى ما ببقول ---النسب ده في البيت يا ريس الشغل ما فهوش نسب ولا صداقة ولا مجاملات فيه إن أحسن 2 لا اعتراض عليهم هم مدام كوثر ( وهى ع المعاش ) وم مصطفى سليمان و(اهو ماشى ) مين هيفضل فى فريقك عدل ؟وبعدين تفتكر اى حد فينا هيآمن لك بعد كدة ؟؟مش ده مصطفى سليمان اللى من فريقك وكنت طالع بيه السما أول ما حيت ؟؟هو أنت متقلب المزاج قوى كدة -ماذا أضاف م خالد للهندسية ؟وماذا أضاف مصطفى عبد الرحمن للموارد البشرية ؟ وماذا أضاف محمود كمال ؟ الخريطة أم 90 ألف جنية ؟؟وماذا أضافت نهال ؟؟يا سيدي إحنا مش عاو زين أسلوب الجيش ده تانى عمال تفرض علينا ناس تخصك أنت --لما الوزارة ترشحهم يبقى ماشى لكن مش معقول تجيب لنا كل أصحابك وأقرباءك ؟؟وكمان سايب راس الأفعى في وظيفته برغم الفوضى والقرف --لحد ما الناس قالت عليه ماسك عليك حاجة ليه عشان صاحب مصطفى عبد الرحمن ---عشان المستشار سيد العربي أشار عليك بكدة أنت فين ودماغك فين وضميرك فين --كنت بدافع عنك لحد ما قربت أصدقهم -----والله مش شتيمة بس فعلا نفسي تراجع نفسك ومتوقعش نفسك في الفخ ده --حط أيدك بصدق في أيد الناس المحترمين وحاربوا الفساد وربنا يهديك ويوفقك ويشيل الغمامة من على عنيك ويبعد عنك السوسة التي تسعى في الأرض فسادا--وتحافظ على آخر شوية علاوة ليك في قلوبنا-

/للاشتراك في الحوار ومناقشة ما يدون في المدونة مع الزملاء اضغط هنا